Þá er skráningin yfirstaðin loksins

Það er búið að taka þessa blessuðu skráningu í keppnina allt of langan tíma en þetta tókst loksins í dag. Ég fékk númerið 527 handa honum sem mér finnst bara mjög flott númer af því að hann á jú afmæli 27 febrúar en hann varð að fá númer sem var 501 og yfir. Hann vildi þá fá 577 en það var farið og þá vildi hann 567 og að sjálfsögðu var það líka farið þannig að 527 varð fyrir valinu. / er happatalan hans segir hann þannig að hann vildi fá eitthvað númer sem innihélt töluna 7 í.

Æfingin er búin að ganga mjög vel hjá honum en hann er búinn að vera í allan dag í helli rigningu í Bolöldu en á meðan er búið að vera þurrt hér heima nánast í allan dag. Ég fór í bæinn í morgun og verslaði regngalla á hann en hann vildi svo ekkert nota hann þannig að ég hefði betur getað sleppt því að kaupa hann en það er alltaf gott að eiga eitt stk. regngalla/vindgalla.

Ég er búin að vera bölvandi því í nokkra daga að ég væri komin með unglingabólur í andlitið og þá er ég að tala um að ég sé gjörsamlega að drukkna í þeim. Nema hvað að ég fór í apótek í dag til að kaupa eitthvað til að losna við þetta og þá sögðu þær mér að drífa mig til læknis af því að þetta liti út eins og vírus Ég sem sagt þarf að fara til doxa á morgun til að fá eitthvað til að losna við þetta. Þetta er í hársverðinum og allt ojjjjjj bara og mér er svo ill í þessu og þetta pirrar mig þvílíkt að ég er að geggjast. Þetta er svo tíbýst að svona komi fyrir mig urrrrrr. Það er eins gott að ég verði orðin góð þegar ég gifti mig og helst fyrr.

Síðasta skólavikan og motocrossið komið á fullt

Jæja þá er Andri að klára fyrsta skólaárið og strax farinn að tala um að hann sé að fara að byrja í 2 bekk Alexander er búinn að fá frí í dag og á morgun af því að í gær byrjaði hann í 3 daga motocross æfingu/þjálfun og þvílíkt stuð á mínum stóra manni/ ungling Aron vinur hans er líka byrjaður þannig að þetta er enn meira gaman og þvílíkt keppnisskap í þeim báðum. Ég þurfti samt að fara ð kaupa regngalla á hann í morgun af því að það er helli demba í Bolöldu og þá er gott að hafa regngalla til að smeygja sér í yfir kross gallann.

Hendrik bróðir og Drífa kíktu á okkur í gær með smá pakka handa Helenu og var hún bara mjög ánægð með regnkápuna sem hún fékk enda líka æðislega flott. Síðan komu Rikki frændi og Íris konan hans með litlu krúsirnar sínar tvær og þá var sko fjör hjá Helenu að fá félagsskap tvo daga í röð frá jafningjum sínum. Arna dóttir þeirra er nefnilega jafn gömul Helenu og þær náðu bara nokkuð vel saman. Þær fengu allar að fara á krossarann hennar Helenu og það fannst þeim sko ekki leiðinlegt, þær hlógu og skræktu allan tíman og skemmtu sér mjög vel. Það má því segja að helgin hafi bara verið mjög skemmtileg í alla staði hjá Helenu Ósk.

En ég ætla að fara að drífa mig í búð núna og fara svo heim að leggja mig til að losna við hausverkinn sem er að hrjá mig þessa stundina.

Hún heppnaðist frábærlega

Ég var með veislu í gær fyrir hana Helenu og hún heppnaðist frábærlega. Ég ætlaði að vera bara með hollustu en þetta endaði með því að ég var með tvær rjómatertur, eina skúffuköku, osta og snakk  og svo nammi. En það voru allir mjög ánægðir með þetta og það kláraðist næstum Það komu ekki allir en flestir samt. Helena var ekkert smá ánægð með það sem að afi hennar gaf henni en hann gaf henni eldhúsdót þ.e. ristavél, hraðsuðuketil bolla og diska og hnífapör. Sú er búin að sulla hahaha. En svo fékk hún æðislega lopapeysu frá Lilju systir en hún var ekkert allt of ánægð með hana en ég held að það lagist fljótt hún var bara orðin uppgefin eftir veisluna. Hún fékk húfu og vettlinga frá Öldu, Brynjari og stelpunum, Bók frá Henni ömmu og Sigga afa + sæng og kodda og sængurver og Dóru dúkku já mikið ég veit. Frá Ómari og Siggu plat ömmu og afa fékk hún pening fyrir einhverju sem að hana langar í og stuttbuxur og bol frá Hlín langömmu og litla dúkku frá lilju langömmu. Sem sagt hún fékk alveg yfirdrifið nóg af öllu. Hún var mjög dugleg að leika sér úti í góða veðrinu ( það var samt frekar kalt ) og að leika við Höllu Margréti. Þær eru orðnar miklar vinkonur loksins.

En ég var heldur betur þreytt eftir gærdaginn og Helena líka. Helena sofnaði um 19:30 og ég fór inn í rúm kl. 23:30 en gat svo ekki sofnað út af því að ég var of þreytt held ég. En í dag er fyrsti dagurinn á námskeiðinu sem að Alexander er að byrja á en hann er á námskeiði á krossara og vonandigengur honum vel Fíntað láta hann á námskeið fyrir keppnina. Það er í 3 daga og 6 tíma í senn. Ég ætla að rúlla uppeftir á eftir og kíkja aðeins á hann og sjá hvernig gengur. Ég ætla svo að rúlla heim aftur að klára að ganga frá eftir afmælið þó að það sé svo sem ekki mikið eftir að gera þá vil ég gera fínt hjá mér.

Í fyrradag var ár síðan Ásta Lovísa vinkona lést úr krabbameini og ég er að spá íað fara með blóm á leiðið hennar í dag. Hennar er sárt saknað af öllum sem elskuðu hana og hún kenndi öllum svo margt og þar á meðal mér og það sem að ég lærði mest af henni er að taka hverjum degi sem mínum síðasta og þá meina ég að meta það sem að maður hefur og vera ánægður með það. Við lifum bara einu sinni í þessum líkama og við eigum að varðveita hann og alla í kringum okkur elska og meta.

En hún Helena Ósk og ég biðjum að heilsa í dag og við eða ég öllu heldur skrifa meira og kem kannski með myndir frá námskeiðinu á morgun.

Skjálftinn :oS

Skjálftinn fannst sko vel á Kjalarnesinu og ég hreinlega nötra ennþá. Ég var í heimsókn hjá vinkonu minni þegar hann reið yfir og við héldum að þakið væri að fara þannig að við hlupum út eins og ég veit ekki hvað. Þetta var ekki besta tilfinning sem að ég hef fundið. Úfff vonandi verða ekki fleiri svona skjálftar. Ég heyrði það í fréttum að það hafi eitthvað af fólki slasast en ég vona að það hafi ekki verið neitt alvarlegt.

Úfff ég er bara í sjokki ennþá. Alexander var einn heima þegar skjálftinn gekk yfir en hann er voða rólegur samt annað en Andri greyið sem brá svolítið mikið. Ég fór beint að sækja Helenu og dreif mig heim og ég er búin að vera í símanum síðan við mömmu, tengdó, Baldur og ömmu. En ég ætlaði að láta fréttina sem er inni á www.visir.is en þetta kemur í fréttunum í kvöld þannig að ég ekkert að setja það hingað inn.

Sólardagur 2 ;o)

Ég elska sólina og ég verð alltaf mikið glaðari þegar ég sé þá gulu Ég er nefnilega búin að kaupa mér nýja snúru til að hafa úti og ég get því hengt út aftur og ég elska lyktina sem kemur af þvotti sem er þurrkaður úti. Það þarf ekki mikið meira til að gleðja mig hehehe. Í gær t.d þegar Helena var búin á leikskólanum fór hún út með nýja tjaldið sem að hún fékk frá Spron fyrir að hafa lagt inn peninginn sinn og henni þótti .það sko ekki leiðinlegt. Hún elskar að vera úti en um leið og það kemur smá blástur á hana vill hún koma inn. Hún byrjar alltaf að hósta um leið og hún fær smá blástur framan í sig Skrítið já en ég vil ekkert vera að gera eitthvað mál út af því. Börn eru jafn misjöfn og þau eru mörg ekki satt.

En ég ætla út á eftir að setja niður kartöflurnar sem að ég var byrjuð á fyrir rúmri viku og ég á eftir að setja niður 1 og 1/2 poka úfff þetta er hellings vinna en uppskeran er þess virði. Ég elska glænýjar kartöflur með grillmat ummmmmmmm nammi gott. Ég er að fara í búð á eftir og ég er að spá í að kaupa eitthvað gott á grillið og grilla handa bóndanum og krökkunum. Það eru allir svo hrifnir af grillmat á þessu heimili.

Á morgun fer ég með lubbana mína tvo í klippingu og ég er að spá í að láta krúnuraka Andra en Alexander vill alltaf vera eins en ég ætla að heimta að það verði tekið meira en vanalega. Ég meina það er nú einu sinni komið sumar og þá á maður ekki að vera með lubba.

Hann fór í gær að hjóla með pabba sínum aðeins að æfa sig fyrir keppnina en pabbi hans ætlar svo með hann í Sólbrekku um helgina af því að keppnin verður þar. Honum á eftir að ganga vel held ég bara þó svo að hann hafi enga trú á því af því að hann hefur aldrei hjólað áður í Sólbrekku en þetta er svo fljótt að koma. Ég hef sko trú á mínum manni stóra stráknum mínum. Sem minnir mig á að ég verð að fara að redda klappstýrugallanum hahaha nei nei ég var búin að lofa honum að vera góð.

 En ég er farin að setja niður kartöflur.

Styttist í þetta

Ég fór í dag að panta blómin í skreytingarnar og þetta er ekkert smá dýrt. Ég ætlaði að panta 1 búnt af stórum rósum og tvö af litlum og síðan ætlaði ég að panta lítil bleik blóm til að skreyta háborðið með og þetta gerði heilar 37 þús. kr. Úff ég held að ég verði að fara að hugsa þetta betur. Það kostar allt of marga peninga að gifta sig í dag. En ég geri þetta bara einu sinni og svo aldrei aftur.

Ég fór í saumaklúbb í gær loksins eftir margra mánaða hlé og mikið var nú gaman að hitta allar stelpurnar aftur. Ég var komin heim um kl. 12 í gærkvöldi og gat ekki sofnað þrátt fyrir geðveika þreytu fyrr en kl. 4 í nótt Ég er búin að vera svo syfjuð í dag að ég er bara heppin af hana hitt heim þegar ég var að koma úr bænum. Ég steinsofnaði þegar ég kom heim og svaf í 2 og 1/2 tíma sem var bara mjög gott.

Helena er búin að vera voða lítil á leikskólanum og vill bara láta stelpurnar vera með sig í fanginu allan daginn, ekki gott En ég er farin að elda svo að ég skrifa ekki meira í dag enda litla skottan farin að væla um að fá mig til að taka einhverja könguló ( sénsinn ).

Byrjuð á leikskólanum aftur

Helena fór á leikskólann í fyrsta skipti eftir veikindin í gær og gekk það alveg rosalega vel. Hún var mjög sátt við að fara þó svo að erfitt hafi verið að vakna. Það eina sem að ég er ekki nógu sátt við er að hún var byrjuð að vera svo dugleg að borða en mér finnst henni farið aftur með það. Vonandi er þetta bara stutt tímabil út af veikindunum.

En ég fór austur til Þorlákshafnar á sunnudagskvöldið að hiotta allt torfæruliðið og var það bara mjög gaman. Við vorum komin heim um 12 leitið og var strax haldið í bólið enda alveg dauðuppgefin og út af því að Helena þurfti að vakna svo snemma til að fara á leikskólann. Síðan þegar við vöknuðum fór ég með Baldri í vinnuna og skilaði bíl og svona dundaði mér aðeins og við fórum heim um 4 leitið. Ætli fari ð verði ekki panntað í dag til Orlando og get ég ekki beðið með að fá að vita hvenær við förum, mér þykir biðin svo leiðileg. En ég veit allavega að við förum út í júní. Helena verður hjá mömmu og pabba á meðan við erum úti af því að við erum ekkert tiygð í Bandaríkjunum ef að hún veikist eitthvað mikið og á meðan hún er svona viðkvæm þorum við ekki að taka hana með.

En ég ætla að fá mér að borða núna bless í bili.

Svindl?

Á mað'ur að kalla þetta svindl eða eru það bara við sem erum svona tapsár sem gerum það. Mér fannst þessi kosning í Eurovision allt of fyrirsjáanleg. Ég meina þulurinn vissi nákvæmlega hver myndi fá 10 og 12 stigin frá hverju landi. Æji mér finnst alveg vera kominn tími á að Ísland hætti þátttöku í þessari pólitísku keppni. Við erum bara að hafa okkur að fíflum. Ég var samt mjög ánægð með frammistöðu okkar núna og þau voru Íslandi til sóma í klæðaburði sem og framkomu. Ég segi bara til hamingju með allt saman íslendingar.

En hún Helena heldur batanum áfram sem er frábært og ég held að ég leifi henni að fara á leikskólann á morgun með ís svo að hún fái nú kórónuna sem búið er að búa til handa henni. Svo eru amma hennar og afi að koma heim í dag og á ég von á því að hún fái nú einn lítinn pakka frá þeim. Hún var sko ekki sátt í gær þegar hún fékk bara 3 pakka en ekki fleiri. En hún á eftir að fá meira um næstu helgi. Mér finst alveg ótrúlegt hvað börn eru fljót að komast upp á lagið með að vilja meira af pökkum og að vita hvað þau vilja. Hún er sko ákveðin lítil snót litla Rauðkan mín.

En þetta er síðari dagurinn í torfærunni þannig að' Baldur kemur vonandi ekki seint heim. Ég er að fara með saumaklúbbnum í leikhús í kvöld að sjá " Mamma mamma " þannig að ef að hann verður ekki kominn heim þá ætla ég að ath hvort að krakkarnir megi vera hjá mömmu og pabba þangað til að hann kemur.  Þó svo að Alexander ætti nú alveg að getað passað þangað til að hann kemur þá vil ég biðja þau út af því að Helena er búin að vera svo lasin.

En það er komin stera tími hjá Helenu svo að ég hætti hér með einni spurningu. Á Ísland að hætta þátttöku eða ekki? "

Hún er 3 ára í dag!

Þá er afmælisdagurinn runnin upp og litla snúllan orðin 3 ára. Mér finnst eins og hún hafi fæðst í gær. Tíminn er svo fljótur að líða að mér finnst ég vera að missa af svo miklu en samt ekki.

Nóttin var góð hjá Helenu og hún vaknaði ekkert út af hósta sem betur fer. Ég aftur á móti svaf ekki eins vel, vaknaði kl. 4 í nótt og ætlaði aldrei að sofna aftur en svo á endanum svo að ég fékk smá svefn. Ég vaknaði svo kl, 8:30 við sms frá Baldri en hann er víst búinn að vaka í alla nótt við að laga bílinn hans Gísla en núna eru þeir komnir upp á braut og það er verið að skoða bílana fyrir keppnina. Ohhhh hvað mig langar að vera þarna. En ég ætla að reyna að gera gott úr deginum og baka köku handa Helenu og svo ætlar hann elsku Elmar frændi að kilja í smá mjólk og köku.

Ég á svo sem ekkert von á neinum öðrum í dag en ég ætla að skreppa í ríkið og versla smá bjór fyrir eurovision og kannski smá kjöt á grillið. Ekki það að ég eigi von á Baldri heim en ég ætla allavega að grilla handa krökkunum. Þau eru öll voð'a hrifin af grillmat eins og við.

En ég ætla að fara að halda áfram að taka aðeins til og láta vinnukonuna fara að ryksuga og svona svo að ég geti farið að skúra. Eigið þið góðan dag í dag og við ætlum að reyna það líka

Jæja vonandi er þetta að verða búið núna

Helena fór aftur upp á spítala í morgun og erum við bara nýkomnar heim aftur eftir margra klukkutíma törn í þetta skiptið. Í dag fékk hún aftur sýklalyf í vöðva á báðum lærum, astmapúst í gegnum friðarpípuna og stera. Svo fengum við stera með heim af því að hún er komin með hættulega mikinn astma út frá lungnabólgunni þannig að lungnapípurnar eru orðnar allt og þröngar og þar af leiðandi þarf hún þá. Ef að hún skánar ekkert eða ef að hún versnar meira um helgina eigum við að koma aftur uppeftir. En ég held að hún fara nú að komast á rétt ról og þurfi ekkert að fara upp á spítala aftur 7,9,13.

Ég var að vonast til að Hendrik bróðir gæti kannski passað fyrri mig á morgun svo að ég kæmist á torfæruna með Baldri en vinkona Drífu var að deyja þá skil ég það svo vel að þau treysti sér ekki til þess. Ég get svo sem alltaf farið seinna á torfæruna.

Ég veit að Alexander langar svo að komast í Sólbrekku um helgina og ég væri alveg til í að fara með hann ef að ég gæti en við verðum bara að bíða þar til eftir helgi og þá kemst líka Baldur með og Helena verður vonandi orðin hress þá.

En hún á svo afmæli á morgun svo að þó svo að ég verði ekki með veisluna á morgun þá ætla ég nú að baka eina afmælisköku handa henni og strákunum. Svo fær hún alla vega tvo pakka á morgun frá okkur eða einn frá okkur Baldri og einn frá strákunum. Sú á eftir að verða lukkuleg með það sem að hún fær enda þegar ég spyr hana hvað hana langi í segir hún alltaf Dóru. Henni er alveg sama hvað það er í rauninni bara svo lengi sem að það er eitthvað með Dóru.

En svo á morgun er líka eurovision og væri ég alveg til í fá fólk í grill og smápartý en við verðum bara að sjá til hvernig morgundagurinn æxlast og ef að Helena verður ekki of slöpp þá má alveg skoða það hvað við gerum.

En ég ætla núna að fara að leira með henni Helenu minni í smá stund og fara svo að taka smá til eftir strákana.