Ég skal vera búin að ná mér.......

á innan við viku. Ástæðan fyrir því er sú að hann Alexander er að fara að keppa í mótorkross á Sauðarkrók og ég ætla með til að sjá hvað honum hefur farið fram. Hann lenti í 12 sæti á Akureyri á íslandsmeistaramótinu þannig að honum er að ganga mjög vel af byrjenda að vera. Ég er allavega mjög stolt af mínum manni.

Ég ætla að hringja upp á taugadeild á mánudaginn og ræða við vakthafandi lækni um það hvort að það borgi sig fyrir mig að hætta að sprauta mig út af því að ég er komin með svo mikinn bjúg á báðar fætur að ég get varla labbað. Ég sef illa þ.e. þegar ég næ að sofna og ég er kvalin alla daga. Við mamma fórum á netið og sáum að þetta getur verið aukaverkun af lyfinu Copacson sem að ég er að sprauta mig með og ekki vil ég vera svona það sem eftir er. Ég ætla að hringja upp á taugadeild og fá að tala við vakthafandi lækni vegna þess að ekki hefur minn læknir samband þrátt fyrir að ég hafi reynt að ná í hana og skilið eftir skilaboð um að hún eigi að hringja í mig strax.

Guð hvað ég fann til með henni Rögnu en ég horfði á keppnina í nótt.

 

h„Þrátt fyrir allt er ég rosalega ánægð með að hafa komist hingað og það er betra að þetta gerðist núna en á æfingu í gær til að mynda. Það hefði verið skemmtilegra að klára leikinn og sleppa við meiðslin en áhættan er til staðar þegar maður gefur allt í þetta," sagði Ragna Björg Ingólfsdóttir með tárin í augunum þegar Vísir hitti hana fyrir utan badmintonhöllina í Peking í gær.

Ragna gat sökum meiðslanna ekki komið á viðtalasvæðið og blaðamaður Vísis varð því að vippa sér inn í bíl til hennar þar sem hún var í nokkru spennufalli.

„Hirose spilaði mikið upp á meiðslin mín og sendi stanslaust í hornin sem mér finnst erfitt að fara í. Hún vissi vel hvað hún var að gera. Ég ákvað í annarri lotu að hætta að hugsa um hnéð og gefa bara allt. Þá fór að ganga betur en um leið gerist þetta og það mátti kannski búast við því," sagði Ragna en hún brosti í gegnum tárin og var augsýnilega mjög ánægð með að hafa getað tekið þátt eftir allt saman en hún hefur verið að spila á slitnu krossbandi í tæplega eitt og hálft ár.

„Ég hlakka núna til að fara heim og í aðgerð þar sem meiðslin verða löguð.Ég er búin að spila með ákveðna hræðslu í langan tíma. Ég hef verið að hætta á að skemma meira í hnénu í hvert skipti sem ég fer inn á völlinn og er því bara sátt við að halda fætinum. Ég get hreyft allar tær," sagði Ragna og brosti.

„Það verður gaman að byrja svo að æfa aftur með hnéð í lagi og þá get ég æft á allt annan og skemmtilegri hátt."

http://www.visir.is/apps/pbcs.dll/gallery?Avis=XZ&Dato=20080809&Kategori=IDROTTIR&Lopenr

http://www.visir.is/article/20080808/IDROTTIR/514866540

En ég verðvíst að taka grísina mína úr baði áður en amma þeirra kemur að sækja þau svo að ég feti hvílt mig.